Ein tur med toget: Sørlandsbanen slik den SKULLE ha vært.

Etter vår spennande og engasjerande serie om underfundige norske jernbaner, kombinert med enda meir underfundige banenedleggingar, er tida komen for at fasiten må komme på plass.

Det er ingen vits i å bruke milliarder på eksterne konsulentfirma, for Bane NOR og dei etterkvart tallause operatørane på (dei gjenværande) norske banestrekningane skal få det gratis her. 
Eller rettare; Det er ikkje Bane NOR og operatørane det står på. Det er dei bevilgande styresmaktene som i mange tiår har latt jernbanesektoren gå for lut og kaldt vatn. På samme tid som vi har bygd flyplassar, bruer og vegtunnelar for ufattelige summar, så er jernbanen avspist med smuler i samanlikning. Joda, vi har fått Askerbanen, Follobanen og Ulrikkentunnelen siste tiåret, men dette er eigentleg kun nødvendige oppgraderingar/snarvegar på allereie hardt belast strekningar.

Skal jernbanen få eit skikkelig løft, så må det mykje større investeringar til, på lange strekningar, som vil koste enorme summar. Men vi er villige til å bruke over 20 milliarder på ein undersjøisk tunnel i Rogaland, samt at det vert seriøst vurdert å bruke 46 milliarder på Hordfast.

For 66 milliarder, så kunne ein fått ganske mykje ny infrasturtur på Sørlandsbanen også, bl.a. den såkalla "Grenlandsbanen", som er samanknytninga mellom Vestfoldbanen og Sørlandsbanen fra Porsgrunn, forbi Kragerø og samanknytning nord for Kragerø. 

Såklart ville desse 60 km. med ny jernbane koste kroner, kanskje 60 mrd for alt eg veit. Ein milliard pr. km..... det burde bli ei bra bane for det....

Men Grenlandsbanen er bortimot død. Fordi det ikkje er politisk evne og vilje til å satse på bane. Det er liksom lettare å bygge nokre undersjøiske tunnelar, for å tekke nokre velgarar.

 Den rød streken er dagens trase, den blå er slik den skulle ha vært. Oppe i høgre hjørne ser vi også Vestfoldbanen til Skien og Porsgrunn. Den blå linja, som eg har lagt inn med eit (svært) enkelt tegneprogram, følger i stor grad E-18, som er oppgradert betydleg på denne strekninga dei siste tiåra. Den går gjerne i utkanten av alle Sørlandsbyane, noko også ei skikkelig jernbane skulle gjort, med tilbringertjenster fra bysentra, samt gode tilhøve for parkering. Istaden går Sørlandsbanen på 90 år gamle enkelspora linjer langt inni skogane, fjernt fra alt som heiter tettstader. Med den Nye Sørlandsbanen, ville det brått blitt eit nytt transportmiddel for over 270 000 fastbuande, samt for alle dei mengdene med fritidsbustader på samme strekning.

Men neida.

Vest for Kristiansand, så er det ikkje så mange byar og tettstader, men hvis vi tar med dei 115000 innbyggarane i Kristiansand, så blir det slett ikkje verst befolkningsgrunnlag her heller.
Slik:

Med ei bane omlag parallellt med E39, via Lindesnes, Flekkefjord, Egersund, Hå og Klepp så vil ein få nye 70 000 fastbuande med nær tilknytning til bana. I dag går Sørlandsbanen også her milevis inne i landet. iallfall fram til Egersund, der E39 derimot tar snarvegen om Ålgård.
Ved å komme inn att på den eksisterande traseen ved Egersund, så går bana gjennom nye folkerike kommunar, Hå og Klepp, før vi endar opp i landets tredje mest folkerike område, Stavanger/Sola. 
Totalt over 300 000 fastbuande til altså.
Ca. 600 000 fastbuande langs ei slik ny Sørlandsbane ville utgjort ei godt grunnlag for kommersiell og effektiv passasjertrafikk. Men det einaste som har skjedd siste tiåra, er at det er bygd dobbelspor mellom Stavanger og Sola, totalt ca. 12 km....

Joda, nokre utbetringar her og der er det såklart, men det monner liksom ikkje i den store samanhengen. Vi manglar visjonære politikarar som kan få Sørlandsbanen opp og fram til den kommunikasjonsåra den burde og skulle ha vært. Den vart bygd i mellomkrigstida, og grunna krigsfare vart den altså lagt så langt inne i landet at det i dag er snakk om å la den bli ei rein godsbane. Det forteller mykje om kor akterutsegla passasjertrafikken er blitt. Samtidig går det haugevis av fly mellom Oslo og Stavanger kvar dag. 

Om "Nye Sørlandsbanen" kjem til å bli ein realitet?
Såklart ikkje, iallfall ikkje i mi levetid, og garantert ikkje med dagens Storting som foretrekker tunneler,  bruer og motorveger uansett. Og når eg tenker meg om, så har vel alle Storting etter 1945 nedprioritert jernbanen generelt, og kanskje Sørlandsbanen spesielt.